இடைநிலை ஆசிரியர்கள் ஊதிய நிலையில் 40 வது தளத்தை அடைந்தாலும் ஆண்டு ஊதிய உயர்வு உண்டு

இடைநிலை ஆசிரியர்கள் ஊதிய நிலையில் 40 வது தளத்தை அடைந்தாலும் ஆண்டு ஊதிய உயர்வு உண்டு அரசு சார்புச் செயலரின் RTI பதில்.

அனுப்புநர்

திரு.ம.பாலு.M.Com.,

பொதுத் தகவல் அலுவலர் மற்றும் அரசு சார்புச் செயலாளர்.

பொருள்:

தகவல் அறியும் உரிமைச் சட்டம் 2005-ன் கீழ் பெறப்பட்ட மனு- தகவல் அளித்தல் தொடர்பாக.

பார்வை:

22.04.2022 அன்று இத்துறையில் பெறப்பட்ட தங்களின் 20.04.2022 நாளிட்ட தகவல் அறியும் உரிமைச் சட்ட மனு,

பார்வையில் காணும் தங்கள் மனுவின் மீது கவனம் ஈர்க்கப்படுகிறது.

வரிசை எண்கள் 1 முதல் 6 வரை:

2. தகவல் அறியும் உரிமை சட்டத்தின் கீழ் யூகங்கள் / தெளிவுரை / கோரும் மனுக்களுக்கு தகவல்கள் அளிக்கப்படுவதில்லை. எனினும் இடை நிலை ஆசிரியர்களின் ஊதியம் ஊதிய நிலை 10-இல் ரூ.20600-75900 அரசாணை (நிலை) எண்.90, நிதி (ஊ.பி)த் துறை, நாள்.26.02.2021-இல் திருத்தி என அமைத்து ஆணையிடப்பட்டதனால் ஊதிய நிலை (Level) 10 இல் தளம் (Cell) 40-ஐ (ரூ.65500/-) அடைந்த இடைநிலை ஆசிரியர்களுக்கு வருடாந்திர ஊதிய உயர்வினை மேற்கூறிய அரசாணையின்படி தொடர்ந்து அனுமதித்திடலாம் என்ற தகவல் தங்களுக்கு தெரிவித்துக் கொள்ளப்படுகிறது.

 

தங்கள் நம்பிக்கையுள்ள,

பொதுத் தகவல் அலுவலர் மற்றும் அரசு சார்புச் செயலாளர்.