💰IFHRMS இல் சொத்து விவரங்களை பதிவு செய்தல் குறித்து கருவூலத்துறையின் விளக்கக் குறிப்பு. 

தற்போது உயர் அலுவலர்கள் மட்டும் பதிவு செய்ய உத்தரவிடப்பட்டுள்ளது. 

கீழ்நிலை அலுவலர்கள் குறித்து தகவல் வெளியிடப்படவில்லை.

Click here

IFHRMS assets 

சொத்து மற்றும் கடன் விவர ஆண்டு அறிக்கை IFHRMS வழியாக சமர்ப்பித்தல்

அறிமுகம் மற்றும் பின்னணி

தமிழ்நாடு அரசு ஊழியர்கள் நடத்தை விதிகள், 1973 - விதி 7(3)-ல் கொண்டுவரப்பட்டுள்ள புதிய திருத்தம்.

அரசாணை (நிலை) எண்.7, மனிதவள மேலாண்மை (A) துறை, நாள்: 09.01.2026.

அரசுப் பணிகளில் வெளிப்படைத்தன்மை (Transparency) மற்றும் பொறுப்புடைமையை (Accountability) அதிகரிப்பதுடன், நேர்மையான நிர்வாகத்தை உறுதி செய்தல்.

முன்பு 5 ஆண்டுகளுக்கு ஒருமுறை மட்டுமே சமர்ப்பிக்கப்பட்டது; இனி அனைத்து அரசு ஊழியர்களும் ஆண்டுதோறும் சமர்ப்பிக்க வேண்டும்.

காகிதப் படிவ முறை முற்றிலும் ஒழிக்கப்பட்டு, இனி IFHRMS இணையதளம் வழியாக ஆன்லைனில் மட்டுமே சமர்ப்பிக்க வேண்டும்.

பழைய 5 தனித்தனி படிவங்களுக்குப் பதிலாக, பகுதி I, II, III கொண்ட ஒரே புதிய ஆண்டு அறிக்கை படிவம் அறிமுகம் செய்யப்பட்டுள்ளது.

முக்கிய கால வரம்புகள் (Important Deadlines)

முதல் ஆன்லைன் அறிக்கை (31.12.2025 நிலவரம்): கடைசி நாள் 31.10.2026.

அடுத்த ஆண்டு அறிக்கை (31.12.2026 நிலவரம்): கடைசி நாள் 31.03.2027.

தொடர் ஆண்டுகள்: ஒவ்வொரு ஆண்டும், அதற்கு அடுத்த ஆண்டு மார்ச் 31-க்குள் சமர்ப்பிக்க வேண்டும்.

புதிய நியமனங்கள்: நேரடி நியமனம் பெற்றவர்கள் பணியில் சேர்ந்த 3 மாதங்களுக்குள் சமர்ப்பிக்க வேண்டும்.

> உத்தியோகபூர்வ ஆய்வு: 

அறிக்கை பெற்ற 2 மாதங்களுக்குள் உரிய அதிகாரி சரிபார்க்க வேண்டும்.

யாரெல்லாம் தகுதியானவர்கள்:

 அகில இந்தியப் பணி அலுவலர்கள் (All India Service Officers) தவிர, அனைத்து தமிழ்நாடு அரசு ஊழியர்களும் கட்டாயம் சமர்ப்பிக்க வேண்டும்.

சொத்து இல்லாதவர்கள்: "எந்தச் சொத்தோ அல்லது கடனோ இல்லாதவர்களும்" பூஜ்ஜிய (Nil) அறிக்கை சமர்ப்பிப்பது கட்டாயமாகும்.

அறிக்கையின் முக்கிய 3 பகுதிகள்

அசையாச் சொத்துகள் (Immovable Properties): நிலம், வீடு, அடுக்ககக் குடியிருப்பு (Flat) போன்றவை.

> அசையும் சொத்துகள் (Movable Properties): ரொக்கம், நகை, வாகனங்கள், வங்கி வைப்புத்தொகை, முதலீடுகள், காப்பீடு போன்றவை.

கடன்கள் மற்றும் பொறுப்புகள் (Debts & Liabilities): அரசு மற்றும் இதர நிறுவனங்களிடம் பெற்ற கடன்கள்.

விலக்கு: குடும்ப உறுப்பினர்கள் தங்களது சொந்த நிதி ஆதாரத்தில் வாங்கிய

சொத்துகளைக் காட்டத் தேவையில்லை.

சேர்க்கத் தேவையில்லாதவை:

> ஊழியரின் 3 மாத ஊதியத்திற்கு மிகாத தனிநபர் கடன்கள்.

> ஊதிய முன்பணம் மற்றும் பயணப்படி முன்பணம்,

GPF முன்பணம், ஆயுள் காப்பீடு மற்றும் FD மீதான கடன்கள்.

சமர்ப்பிப்பின் முக்கிய விளைவுகள்

> சொத்து விவர அறிக்கை சமர்ப்பித்த நாள் ஊழியரின் ACR-ல் பதிவு செய்யப்படும்.

> பதவி உயர்வுக்கான பெயர்ப் பட்டியல் (Panel) தயாரிக்கும் போது இந்த அறிக்கை முக்கியமாகக் கருதப்படும்.

> ஆன்லைனில் சமர்ப்பிக்கப்பட்டாலும், இவ்விவரங்கள் தொடர்ந்து ரகசிய ஆவணமாகவே கையாளப்படும்.

லஞ்ச ஒழிப்பு விசாரணை அல்லது தேவைப்படும் பட்சத்தில், உரிய அதிகாரி எப்போது வேண்டுமானாலும் ஊழியரின் முழு நிதி ஆதாரத்தைக் கோரலாம்.

IFHRMS-ல் சமர்ப்பிக்கும் வழிமுறை

HRMS இணையதளத்தில் லாகின் (Login) செய்யவும்.

➤ Employee Self Service Property Filing → Apply ក់ គ្រប់

செய்யவும்.

➤ Form I, Form II, Form III முழுமையாக நிரப்பவும்.

> "மாற்றமில்லை" அல்லது "முந்தைய ஆண்டைப் போல" என்ற சொற்களைப் பயன்படுத்தக் கூடாது; முழு விவரங்களையும் உள்ளிட வேண்டும்.

Review & Submission பக்கத்தில் விவரங்களைச் சரிபார்த்து, Declaration-ஐ உறுதிசெய்து சமர்ப்பிக்கவும் (சமர்ப்பித்த பின் திருத்த முடியாது).

சமர்ப்பிக்கப்பட்ட அறிக்கையைப் பதிவிறக்கம் (Download) செய்து பாதுகாப்பாக வைக்கவும்.